PANTUN RPTRA NUSANTARA ULUJAMI ⁠⁠⁠⁠⁠

Ikan peda ikan gurame

Beli janur dibikin selampe

Ada apa rame-rame

Rombongan Gubernur udah sampe

Kalu beli janur dibikin selampe, beli nasi uduk di Meruya.

Kalu rombongan Gubernur udah sampe, silahkan duduk dibangku saya.

Bang beli nasi uduk boleh di Meruya, peginya kudu naek mubil ostin.

Kalu disuruh duduk dibangku saya, tulung rombongan dihormatin.

Kalu peginya naek mubil ostin, dibantar gebang banyak sampah.

Kalu rombongan minta dihormatin, emang dateng kemari mao ngapah.

Bang di bantar gebang emang banyak sampah, kudu diolah warga biar sejahtera.
Kalu ditanya dateng mao ngapah, mao ngeresmiin RPTRA Nusantara.

Bang sampah emang kudu diolah biar sejahtera, kudu sigra semua diasepin.
Kalu rombongan pengen ngeresmiin RPTRA Nusantara, guntingan pitanya udah kita siapin.

Bang kalu semua udah diasepin, bikin sate daging ditusuk.
Kalu guntingan pita udah disiapin, tulung permisi rombongan pengen masuk.

Eit entar dulu, bikin sate daging ditisuk, sambel terasi enak rasanya.
Kalu rombongan pengen masuk, liatin dulu segala atraksinya.

Rambutan nyonya enak rasanya.
Pegi ke kota beli kipas angin.

Udah segitu dulu atraksinya.
Manah pitanya nyang kudu diguntingin.

(RPTRA Nusantara Ulujami)